ᐊᔭᒐᖅ
ᐊᔭᒐᕈᑎᒥ, ᑐᒃᑑᑉ ᓇᒡᔪᖓᓂᒃ ᑲᐅᓯᒋᐊᕈᑎᖃᖅᖢᑎᒃ ᑐᒃᑑᓪᓗ ᕿᒥᕐᓗᖓᑕ ᓴᐅᓂᖓᓂᒃ ᐊᔭᒐᖃᖅᖢᑎᒃ, ᐃᕙᓗᒧᑦ ᐱᕐᕋᖅᓯᒪᔪᒧᑦ ᐊᑕᓪᓗᑎᒃ. ᐃᕙᓗ ᕿᓚᒃᓯᒪᓪᓗᓂ ᓴᐅᓂᕐᒧᑦ ᕿᑎᖓᓄᑦ ᓂᕕᖓᑦᑎᐊᕐᕕᒋᔪᓐᓇᖅᑕᖓᓄᑦ ᐊᔭᒃᑕᐅᒋᐊᑦᑎᐊᕈᓐᓇᕐᓂᐊᕐᓗᓂ.
ᒪᕐᕉᖕᓄᓪᓘᓐᓃᑦ ᐱᙳᐊᕈᑕᐅᔪᓐᓇᖅᑐᖅ. ᐊᔭᒐᖅᑐᖅ ᐊᔭᒃᓯᓪᓗᓂ, ᐅᑎᒧᓯᒋᐊᕐᒧᑦ, ᑲᐱᒋᐊᖅᖢᓂᐅᒃ ᐊᖕᒪᔫᓂᖓᒍᑦ. ᐊᔪᕐᓇᖅᓯᕙᓪᓕᐊᔪᓐᓇᖅᖢᓂ; ᓲᕐᓗ ᒥᑭᓐᓂᖅᓴᓂᒃ ᐊᖕᒪᔪᓂᒃ ᑲᐱᓯᒋᐊᖔᕐᓗᑎᒃ ᐅᕝᕙᓘᓐᓃᑦ ᐊᑐᒐᔪᙱᖔᖅᑕᒥᒃ ᐊᒡᒐᒥᒃ ᐊᑐᖔᕐᓗᑎᒃ. ᐊᔭᒐᖅᑐᖅ ᐊᔭᒐᐃᓐᓇᕐᓗᓂ ᐊᔭᒃᓰᓐᓇᕐᓂᓕᒫᕐᒥᓂᒃ, ᐊᔭᒃᓯᔭᕌᖓᒥᓗ ᑕᐃᓯᕙᓪᓕᐊᖑᕙᖅᖢᑎᒃ (ᐅᓇᓃᑦᑐᖅ ᑕᑯᓗᒍ). ᐱᖓᓱᐃᖅᓱᕐᓗᓂ ᐊᔭᒃᓯᙱᒃᑯᓂ ᑐᓐᓂᖅᑯᑎᒋᓕᕐᓗᒍ ᐊᓯᒥᓄᑦ. ᐱᙳᐊᖅᑐᑦ ᑲᑎᒪᓪᓗᑎᒃ ᐃᒃᓯᕚᖅᖢᑎᒃ ᑭᒃᑯᑐᐃᓐᓇᓪᓗ ᐱᙳᐊᕈᓐᓇᖅᖢᑎᒃ.
ᐅᖃᖅᑐᖃᖅᓯᒪᔪᖅ, ᑕᐃᔭᐅᕙᓪᓕᐊᓂᖏᑦ ᐅᓂᒃᑳᖅᐸᓪᓕᐊᖕᒪᑕ ᐊᓯᔾᔨᒐᒃᓴᐅᓪᓗᑎᒡᓗ. ᐅᓂᒃᑳᖓ ᐃᒪᓐᓇᐸᓘᓪᓗᓂ:
ᐊᕚᖅᐸᒋᑦ: ᐊᕚᖅᐸᒋᑦ
ᑎᓱᕋᖅᑎᑉᐸᒋᑦ: ᑎᓱᕋᖅᑎᑉᐸᒋᑦ
ᑎᓱᕗᑎᑦ: ᑎᓱᕗᑎᑦ
ᖁᖕᓂᒃᑰᖅᐳᑎᑦ: ᖁᖕᓂᒃᑰᖅᐳᑎᑦ
ᐃᒫᖅᐳᑎᑦ: ᐃᒫᖅᐳᑎᑦ
ᑭᕕᕗᑎᑦ: ᑭᕕᕗᑎᑦ
ᑭᖑᒃᑕᐅᕗᑎᑦ: ᑭᖑᒃᑕᐅᕗᑎᑦ
ᓴᐅᓃᓐᓇᕈᖅᐳᑎᑦ: ᓴᐅᓃᓐᓇᕈᖅᐳᑎᑦ
ᒫᓐᓇ, ᑖᓐᓇ ᓱᓕ ᐱᙳᐊᖅᑕᐅᕙᒃᑑᒐᓗᐊᖅ ᑭᓯᐊᓂ ᐊᒥᓱᓅᙱᓕᖅᑐᖅ. ᐊᔭᒐᖃᕈᓐᓇᖅᑐᑦ ᑐᒃᑑᑉ ᖁᖓᓯᖓᓂᙶᖅᑐᒥᒃ ᐅᑲᓕᐅᓪᓘᓐᓃᑦ ᓂᐊᖁᖓᓂᒃ, ᐊᔭᒃᓯᔾᔪᑎᖓ ᕿᔫᓪᓗᓂ, ᐃᕙᓗᒃᓴᑐᐃᓐᓇᕐᒧᑦ ᐊᑕᓪᓗᑎᒃ.
