Jack Haulli: Taanna iggak. Iggaulluni taanna sanasimajuq saunirmik sanasimajuq
ukiukkugguuq taanna atuqtauqattaqłuni upirngaakuunngittuq.
Upirngaakkut taikkua mauna kigliagut apisimaqattalirajarmat
qipinnarajaqłunilu ukiullattaakkut taakkua atuqtauqattaqtuit.
Sanasimajuq taanna kisumik ai, saunirmik sanasimajuq suurlu nagjungmik taanna
sanasimajuq nalunanngittuq. Kigliagut takugiaruviuk mauna
tamanna aqinniulluni. Taanna ataaniittuq tisiniqsaulluni
tagva nagjuugami taimanna aaqqiksimajuq ukiukkut atuqtauqattaqłuni
angutinullu, piluaqtumik angutinit angunasuqattarniaqtunit
taanna atuqtauqattaqłuni. Taanna qisingmik sanasimajuq nattiujuminaqłuni.
Taakkua tasijaqtuunngimmata. Kisiani naliqqusimattiarlugu.
Taanna akaujualuk, pikkunaqtualuk. Suli maanna atuqtausuuq
illulijjaikkutimut sanajauqattaqsimassuujaqtut tamakkua.
Silami, ukiuqtaqturmiutaulluni qaumajualungmik tautuqquujinnarmat
ilangagut, qaumajuinnaalungmik tautuqquujilluni ilaannikkut
qaumaluaqtumiiłłuni illulinnarmat, ukiukkut taakkua illuliqłuni
piluaqtumik upirngaakkut ijimut a’aaraaluungmat tagva sanajauqattaqput taimanna
tagva qaujimajannik uqautiujaqpassi, ilangit inua ilangit inuit
unikkaagaqaurniqsaujuksaujuugaluat, taannani qaujimajannik uqautiłłaqpassi.
Inuktituukkannirasungniarama. Taanna illulijjaikkuti immakkanniarjuk
sanajaulauqsimałłarami. Ullumiuliqturli maannauliqtuq
paippaanik sanajunnaqsivalliaqattaqquujilirmata tisirujułłatuaraangamik
manna cardboard [Qallunaatitut] tamajjaujunnarmingmata. Tamanna kiglinga
aakka, kiglingaunngittuq, qitiagut tuałłatuaruni takugiarunnałłatuaruvit
maanna qituttugaujarnik sanaqattaujałłalirmata ugvaluunniit
niuvirvingmit niuviqattaliqtuit goggles, glasses, spectacles
eye sunglasses [Qallunaatitut] tamakkuarujuit atigilirmagit kisiani tamakkua
sivuniksattinni [Qallunaatitut] to the future sivunittinni taakkua
takujagaqaunngikkutik makununga asinginnut atuqtautuinnariaqarmijuq
tamakkua ilangit annirusungniaqtuksaullutik. Ilangillu
tissigusungniaqtuksaullutik. Ilangillu aturumaniaqtuksaullutik.
Ilangilluunniit kiinaujaliurutiliurasungniaq... kiinaujarmut atuutiqarniarasuginnaallutik
sananiaqtuksauvut. Suurlu isumagittiarlugu fashion industry there is
no name for that one yet in Inuktitut [Qallunaatitut]. So, the fashion industry [Qallunaatitut]
taassuminga qimirrualaurluni piuksalituinnariaqaqtualuk aturumalituinnariaqarmijuq.
Taanna sivunittinniituinnariaqałłarami. Kisiani inungnit pigiaqtausimaninga
sanajausimaninga tagvaułłarivuq. Inungnit taanna sanajausimangmijualuk
sauniq. Past [Qallunaatitut], kingunirilauqtavut, ullumiujuq, the present [Qallunaatitut], sivuniksavut,
the future [Qallunaatitut]. Tamarmik uqausirinasuluaqtakka ilaqaurniaqtuksaujuugaluaq
maannaujuq kisiani tagva tagvaksatuangulaukaksimajut uqausiksakka.
