ᑐᒃᑑᑉ ᓇᒡᔪᖓᓐᓂᑦ ᓴᓇᒪᓪᓗᓂ ᐳᐊᕐᕆᑎ. ᐅᒡᔪᒐᔭᖕᒥᒃ ᒥᖅᓱᕐᕕᒋᓯᒪᓪᓗᓂ.
ᑕᒪᒃᑯᐊ ᐳᐊᕐᕆᑏᑦ ᐃᒡᓗᓂ ᐃᓪᓕᓕᐅᕈᑕᐅᕙᓚᐅᖅᑐᑦ. ᓯᕗᓪᓕᕐᒥ, ᐊᐳᑦ ᓴᕕᖕᒧᑦ ᐊᒡᒍᖅᑕᐅᓗᓂ (ᐃᒡᓗᓕᖕᒥᐅᓂᒃ ᓴᕕᐅᓂᕋᖅᑕᐅᔪᖅ ᐊᓯᖏᓐᓄᑦ ᐸᓇᐅᓂᕋᖅᑕᐅᓪᓗᓂ). ᐳᐊᕐᕆᑎᒧᑦ ᐊᐳᑦ ᐃᒡᓗᒧᐊᖅᑎᖅᑕᐅᓪᓗᓂ ᐃᒡᓕᓕᐅᕐᕕᐅᓂᐊᖅᑐᒧᑦ ᓇᓕᒧᒌᓕᖅᑎᑕᐅᑦᑎᐊᖅᖢᓂ. ᑎᒍᓕᖓ ᐳᐊᕐᕆᑎᖓᓐᓂᑦ ᐊᓪᓕᐅᓂᖅᓴᐅᕌᕐᔪᒃᖢᓂ, ᐳᐊᕐᕆᔭᐅᑎᒋᔭᕐᓂᕐᓂᐊᕐᒪᑦ. ᑕᒪᒃᑯᐊ ᐊᖑᑎᓄᑦ ᓴᓇᔭᐅᕙᓚᐅᖅᑐᑦ, ᐊᕐᓇᓄᑦᑕᐅᖅ ᐊᑐᖅᑕᐅᕙᓚᐅᕆᓪᓗᑎᒃ.
ᑕᒪᒃᑯᐊ ᐳᐊᕐᕆᑎᑦ, ᓄᓇᒥᙶᖅᓯᒪᔪᑦ, ᐊᑐᖅᑕᐅᕙᒍᓐᓃᖅᑐᑦ. ᓂᕕᐅᕐᕕᖕᒥᙶᖅᑐᓂᒃ ᓴᕕᕋᔭᖕᓂᒃ ᐳᐊᕐᕆᑎᖃᖅᐸᓕᖅᑐᑦ.
ᐳᐊᕐᕆᑎ
Natalino Piugattuk: ᐅᓇ ᐳᐊᕐᕆᓯᐅᖅᑰᔨᔪᖅ ᑕᑯᔭᕗᑦ ᐅᓇ ᐃᒡᓗᕕᒐᕐᒥ
ᐃᒡᓗᕕᒐᓕᐅᖅᑐᓄᑦ ᐃᒡᓕᓕᐅᕈᑎᕕᓂᖅ, ᓇᐃᑦᑑᒐᒥ
ᐅᓇᓗ ᐹᓂᐅᔭᓕᐅᖅᖢᓂ [ᓇᑕᓕᓅ ᑎᒃᑯᐊᖅᑐᖅ ᑎᒍᒻᒥᕕᖕᒐᓂᒃ ᓂᕕᖕᒐᔪᒥᒃ ᕿᑎᐊᓃᑦᑐᖅ ᐱᖁᑎᐅᑉ] ᐊᐳᒻᒥᓪᓗ ᐳᐊᕐᕆᓯᐅᒍᓂ [ᓇᑕᓕᓅ ᑐᒃᑯᐊᖅᑐᖅ ᐊᖕᒋᓂᖅᓴᖕᒐᓃᑦᑐᒥᒃ ᐊᑖᓃᑦᑐᒥᒃ ᐱᖁᑎᐅᑉ].
ᖃᓗᓯᖃᑦᑕᕐᓂᐊᕐᒪᑦ ᒪᐅᓇᔾᔫᒥ ᐅᓇ ᐱᓯᒪᓇᔭᕐᒪᑦ
ᑖᓐᓇᓕ ᐃᒡᓗᕕᒐᕐᒥ ᑕᖕᒫᖅᓴᖅᑐᓂ ᐊᖏᔪᕈᓗᖕᒥᒃ ᐃᓚᖏᑦ
ᐃᒡᓗᓕᐅᖅᐸᓚᐅᕐᒪᑕ ᐅᖅᑰᓯᓐᓇᖅᑐᐊᓘᖕᒪᑦ ᐊᐳᒻᒥᒃ ᐱᓕᕆᓪᓗᓂ
ᑕᐅᒪᓐᓇ ᓇᓗᒃᑕᐅᔭᑐᐃᓐᓇᖅᖢᒍ ᐅᖅᑰᓯᓐᓇᓗᐊᙱᓐᓂᖅᓴᐅᖕᒪᑦ [ᓇᑕᓕᓅ ᖃᓗᕋᖖᒍᐊᖅᐳᖅ].
ᐳᐊᕐᕆᓯᖃᖅᖢᓂ ᐳᐊᕐᕆᓯᓕᐅᖅᓯᒪᓪᓗᑎᒃ ᓯᓂᒡᕕᒋᓂᐊᖅᑕᒥᖕᓂᒃ
ᐃᒡᓕᓕᐅᖅᖢᑎᒃ ᐊᐳᒻᒥᒃ. ᐃᒡᓗᕕᒐᖅ ᐱᐊᓂᒃᓯᒪᓕᕋᓗᐊᖅᑎᓪᓗᒍ
ᐃᓗᐊ ᑕᖅᑲᓐᓇ ᐱᔭᕆᑐᐊᕐᔪᖕᒥᖕᒪᑦ ᑖᔅᓱᒪᖓ ᐳᐊᕐᕆᓯᒧᑦ
ᑕᑉᐸᖕᓇ ᐃᓕᐅᖅᑲᐃᕕᒋᓪᓗᒍ ᓴᕕᖕᒧᑦ ᓱᕋᑦᑎᐊᓪᓚᓚᐅᖅᖢᓂᔾᔪᒃ
ᐳᐊᕐᕆᓯᒧᑦ ᑕᑉᐸᐅᖓ ᐃᒡᓕᕐᒧᐊᖅᑎᓕᖅᐸᒃᖢᓂᔾᔪᒃ ᑕᐃᒪᓐᓇ ᑖᓐᓇ
ᐱᔪᕕᓂᖅ ᐳᐊᕐᕆᓯᓪᓚᑦᑖᖑᖏᓐᓇᒥ ᑕᐃᒪᓐᓇᐃᑦᑐᖅ
ᓇᓗᓇᙱᑦᑐᖅ. ᐃᒪᓐᓇ ᐃᒡᓕᕐᒥᒃ ᓱᕋᑦᑎᐊᓗᒡᓗᒍ ᐃᒪᓐᓇ
ᐃᒪᓐᓇᐅᓐᓇᙱᒻᒥᖕᒪᑦ. ᐊᔾᔨᒌᒃᑎᓐᓇᓱᒃᖢᒍ ᓇᓕᒧᒌᒃᑎᓐᓇᓱᒃᖢᒍ
ᐱᔭᕆᐊᖃᕐᒥᖕᒪᑦ. ᐊᐳᑦ ᑕᑉᐸᐅᖓ ᓱᕋᒃᑎᕆᐊᖅᑐᕐᓗᒍ ᐊᔾᔨᒌᙱᕈᓘᔮᓗᒡᓗᓂ
ᐱᔭᒻᒪᑦ. ᐳᐊᕐᕆᔭᑲᑕᒃᖢᒍ ᓇᓕᒧᓕᖅᑎᖦᖢᒍ ᐱᔭᕆᐊᑭᓐᓂᖅᓴᐅᖕᒪᑦ
ᑕᒡᕙ ᑖᓐᓇ ᑕᐃᒪᓐᓇ ᐊᑐᖅᑕᐅᖃᑦᑕᖅᑐᕕᓂᖅ
ᐊᐳᑕᐃᔭᐃᔾᔪᑕᐅᕈᓘᔭᕋᒥᓗ ᒪᓐᓂᒋᔭᐅᑦᑎᐊᖅᖢᓂ ᐊᑐᐊᓂᒃᑳᖓᑦ
ᓇᒧᑦ ᐃᓕᑦᑎᐊᖅᑕᐅᖏᓐᓇᐅᔭᖅᖢᓂ. ᑕᖅᑲᐅᖓ ᓯᓚᒧᑦ
ᐃᒃᓯᖕᓇᖅᑕᐅᕈᓘᔭᖅᐸᙱᖦᓗᓂ ᐃᓕᑦᑎᐊᖅᑕᐅᖏᓐᓇᐅᔭᖅᖢᓂ
ᑕᒡᕙᒃᓴᑐᐊᖑᖕᒪᑦ ᐊᐳᑕᐃᔭᐃᔾᔪᑦ ᐊᑐᖅᑕᐅᕈᓘᔭᑲᑕᒡᒍᔪᐊᓘᓚᐅᖅᑐᖅ
ᐅᓇ ᐊᐅᓚᔪᑯᓘᖕᒪ ᐃᐳᐊ ᑎᒍᑲᑕᑦᑎᐊᕐᓇᙱᒻᒪᑦ
ᒫᓃᒃᑲᓐᓂᐊᕐᔪᑯᓗᒃᑯᓂ ᑕᒡᕙ ᐊᐳᒻᒥᒃ ᐱᒋᐊᑲᑕᒡᓗᓂ
ᐃᓴᖕᓇᙱᑦᑐᒻᒪᕆᐊᓘᓇᔭᖅᑐᖅ [ᓇᑕᓕᓅ ᑎᒃᑯᐊᖅᑐᖅ ᖃᓗᕋᐅᑎᐅᑉ ᐊᑖᓃᓐᓂᖅᓴᓃᖕᒐᓃᑦᑐᒥᑦ]. ᐹᓃᓗᐊᖅᖢᓂᑦᑕᐅᖅ
ᑕᖃᓇᕐᒥᖕᒪᑦ ᑕᒡᕙᓂ ᐃᓱᓗᐊᑯᓗᐊᓃᖦᖢᓂ ᐊᐳᓪᓗ ᐅᕿᑦᑐᓐᓃᕌᕐᔪᔭᑦᑐᕈᓘᖕᒪᑦ
ᐊᖏᓈᖅᑕᖅᓯᒪᓪᓗᓂ. ᐃᐱᐅᑕᖓ ᑕᑭᓪᓗᓂ ᑕᑉᐸᐅᓇ ᑭᕕᖃᓯᐅᑎ
ᐃᑲᔪᖅᑎᒋᒻᒪᕆᖕᒪᒍ ᑖᓐᓇ ᐃᐱᐅᑕᖓᑕ ᑕᑭᓂᖓ.
ᑕᑭᓂᖅᓴᐅᓪᓗᓂ ᐃᐱᐅᑕᖓ ᐱᒋᐊᖃᑦᑕᖅᖢᓂ ᐃᓱᐊᕐᓂᖅᓴᖅ
ᐅᕙᓃᖦᓗᓂ ᐊᐳᑦ ᐅᕿᙱᐊᕐᔪᒃᑐᕈᓘᓕᔭᒻᒪᑦ ᑕᖃᓇᖅᑐᑯᓗᖕᒥᒃ
ᑖᓐᓇ ᓴᓇᔭᐅᔪᕕᓂᖅ ᑕᐃᒪᓐᓇᐃᓕᖓᕗᖅ. ᒫᓃᒃᑲᓐᓂᕈᓂ
ᑕᖃᓇᙱᑉᕌᓪᓕᕐᓗᓂᓗ ᐊᐳᒻᒥᒡᓗ ᐅᕿᒃᓴᖅᐹᓪᓕᕐᓇᓗᓂ ᐱᓇᔭᖅᑐᖅ.
ᐄᑦᑎᐊᖅ, ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔪᓐᓇᖅᖢᓂ
ᑭᓯᐊᓂ ᒪᓐᓂᒋᔭᐅᔪᑭᐊᖅ ᐅᓇ ᐃᓄᒃᑎᑐᑦ ᐅᖃᐅᓯᖅᑕᖃᖅᐸ?
ᕼᐃᓖ ᐅᐃᕐᖑᑦ? ᒪᓐᓂᒋᔭᐅᔪᖅ ᖃᓄᖅ ᐃᓄᒃᑎᑐᑦ ᐅᖃᐅᓯᖅᑕᖃᖅᐸ? [ᓇᑕᓕᓅᑦ ᐊᐱᕆᔪᖅ ᑎᐴᕋ ᖃᐅᓐᓇᕐᒥᒃ]
ᐱᑦᑎᐊᖅᑕᐅᓇᓱᒃᑳᖓᒥ ᒪᓐᓂᒋᔭᐅᓂᕋᖅᐸᒃᖢᓂ. ᐄ, ᑖᓐᓇ
ᐃᒃᓯᖕᓇᖅᑕᐅᓯᒪᓂᐊᑯᓗᙱᑦᑐᖅ ᑕᒪᐅᖓ ᒪᓂᕋᑐᐃᓐᓇᕐᒧᑦ
ᑭᓯᐊᓂ ᐃᓕᑦᑎᐊᖏᓐᓇᐅᔭᖅᖢᒍ ᓯᓂᖕᓂᐊᕋᓗᐊᕈᑎᒃ
ᐃᓕᑦᑎᐊᖏᓐᓇᐅᔭᖅᖢᒍ ᑖᓐᓇ ᑭᖑᓂᖃᕆᔭᐅᓛᖑᓚᐅᕐᒥᖕᒪᑦ ᐊᑐᖅᑕᐅᕙᒃᑐᓂᑦ
ᑕᐃᒪᓐᓇᐃᑦᑐᓕᐅᕈᓐᓇᖅᑐᑦ ᑭᓯᐊᓂ ᑕᕐᕆᔭᐅᓯᐅᖅᑕᐅᓂᐊᕌᖓᒥᒃ
ᑕᕐᕆᔭᐅᓯᐅᖅᑕᐅᓂᐊᕌᖓᒥᒃ ᑕᐃᒪᓐᓇᐃᑦᑐᓕᐅᕈᓐᓇᖅᑐᑦ
ᑕᐃᒪᓐᓇ ᐃᓄᑐᐃᓐᓇᕐᓂᓪᓕ ᐊᑐᖅᑕᐅᔪᓐᓃᖅᑐᑦ ᑕᖕᒫᖃᑦᑕᖅᐸᒍᓐᓃᕐᒪᑕ
ᑕᖕᒫᖃᑦᑕᕈᓐᓃᕐᒪᑕ ᐊᑐᖅᑕᐅᔪᓐᓃᖅᑐᖅ ᐃᓄᖕᓂᑦ.
