Deborah Qaunaq: ᐊᓱᐃᓛᒃ, ᑕᒡᕙᐅᖦᖤᓕᕋᓗᐊᕆᕗᖓ ᐅᐃᕐᖑᑯᓘᒐᒪ. ᑕᒡᕙ ᐅᑯᐊ [ᑎᐴᕋ ᑎᒃᑯᐊᖅᑐᖅ ᖃᔅᓯᑲᓪᓚᖕᓂᒃ ᓵᒦᑦᑐᓂᒃ]
ᑕᐃᔅᓱᒪᓂᐊᓗᒃ ᐱᓪᓗᐊᑕᕕᓂᐊᓘᓚᐅᖅᓯᒪᖕᒪᑕ. ᐱᓪᓚᕆᐊᓘᓚᐅᖅᑐᑦ
ᐱᔪᓐᓇᐅᑎᖃᖅᑳᖅᑎᓐᓇᑎᒃ. ᐅᓇ [ᑎᐴᕋ ᑎᒍᓯᔪᖅ ᐃᓚᖕᒐᓂᒃ ᒥᑭᔪᒥᒃ ᓴᐅᓂᕐᒥᒃ] ᑐᒃᑑᑉ ᓇᒡᒍᐊᖓ, ᓇᒡᒍᐊᖓᑕ
ᑭᖑᓪᓖᒃ ᐃᓚᖓ, ᑕᒡᕙᓕ ᑖᓐᓇ ᐱᒃᓴᖃᙱᓗᐊᕐᓂᑯᒧᑦ
ᓴᐅᓂᕈᓗᖕᒥᒃ ᑕᐃᒪᐃᑦᑐᖃᖅᐸᖕᓂᕐᒪᑕ. ᐅᓇ ᐆᒪ ᐃᓂᖓ [ᑎᐴᕋ ᐋᖅᑭᒃᓯᔪᖅ ᑎᒍᒻᒥᕕᖕᒐᑕ ᐃᓱᐊᓄᑦ ᓴᐅᓂᐅᑉ].
ᐅᓇ ᑮᓪᓗᒍ [ᑎᐴᕋ ᖃᓂᖕᒐᑕ ᖃᓂᒋᔮᓅᖅᓯᔪᖅ ᓴᐅᓂᕐᒥᒃ]. ᐅᓇ ᐅᖁᒻᒥᖅᖢᒍ ᑭᖕᒥᐊᖅᖢᒍ, ᓇᓅᓪᓕ
ᓇᒡᔪᖕᒥᒡᓗ ᑕᐃᒪᐃᑦᑐᖃᖅᐸᖕᓂᕐᒪᑕ ᐳᑐᓯᔾᔪᑎᕕᓂᖅ [ᑎᐴᕋ ᑎᒍᓯᕗᖅ ᕿᔾᔮᖅᓯᑎᒥᒃ ᐃᓱᐊᓄᓪᓗ ᓅᒃᐹ].
ᑕᒡᕙᓕ ᐃᒪᓐᓇᐅᙱᑦᑐᖅ, ᐃᒪᓐᓇ. ᑖᒃᑯᐊ ᐱᓪᓗᐊᑖᓘᓚᐅᖅᑐᑦ
ᐅᓇ ᓴᓇᐅᒐᐅᙱᑦᑐᖅ, ᐃᓅᑉ ᓴᓇᐅᒐᕆᙱᑕᖓ ᓇᒡᒍᐊᕈᓘᑉ
ᑐᒃᑑᑉ ᓇᒡᒍᐊᖓᑕ ᐃᓚᒍᓗᐊ. ᐱᓪᓚᕆᒃ. ᓴᓇᐅᒐᐅᙱᑦᑐᖅ ᐃᓄᖕᒥᑦ
ᑕᐃᒪᐃᓕᖓᐃᓐᓇᖅᑐᖅ. ᑖᒃᑯᐊᒃ ᐊᔾᔨᒌᒃ, ᑖᓐᓇ ᓴᐅᓂᖅ
ᑎᓯᓂᐅᓇᓱᒃᑐᖅ ᐆᒧᖓ ᑎᒡᓕᖅᑕᖅᑕᐃᓕᒪᔪᖅ [ᑎᐴᕋ ᑕᑯᑎᑦᑎᕗᖅ ᓴᐅᓂᖕᒐᑕ ᐃᓚᖕᒐᓂᒃ ᐊᒻᒪᓗ ᐃᓱᐊᓃᒃᑐᖅ ᑎᒍᒻᒥᕕᖕᒐᑕ]. ᐅᓇ ᐅᐃᔾᔮᕐᒪᑦ.
ᐅᓇᓗ, ᐅᓇᓗ ᐅᓇ ᑎᓯᓂᐅᓇᓱᒃᑐᖅ. ᑕᒡᕙ ᑖᓐᓇ ᑕᐃᒪᓐᓇ
ᐊᑐᖅᑕᐅᕙᓚᐅᖅᑐᖅ. ᓂᖏᐅᕐᒪ ᐸᓂᐊ, ᐱᕈᖅᓯᐊᕕᓂᖓ
ᑕᐃᒪᐃᑦᑐᒥᒃ ᓴᓇᙳᐊᖅᖢᓂ ᐊᑐᖃᑦᑕᖅᑐᖅ ᖃᐅᔨᓚᐅᖅᑕᕋ.
ᐱᓪᓚᕆᐊᓘᒃ ᑖᒃᑯᐊᒃ ᑕᐃᔅᓱᒪᓂ ᐱᓪᓚᕆᐊᓘᓚᐅᖅᑑᑦ ᐅᓇ
ᓴᐅᓂᑐᐃᓐᓇᕈᓗᒃ ᓴᓇᐅᒐᐅᔮᖏᑦᑐᖅ, ᑭᖕᒥᒃ, ᑭᖕᒥᐊᒐᖅ
ᑭᖕᒥᐊᒐᖅ. ᑐᑭᓯᓇᖅᑐᐊᓗᒃ ᐊᐃ? ᑭᖕᒥᐊᒐᖅ, ᐅᓇ ᒥᑭᓐᓂᖅᓴᑯᓗᒃ [ᑎᐴᕋ ᐊᓯᐊᓂᒃ ᕿᔾᔮᖅᓯᓯᒥᒃ ᑎᒍᓯᕗᖅ].
ᒥᑭᑦᑐᑯᓗᖕᒥᒃ ᑎᑎᖅᓯᓕᐅᕈᑎ ᐳᑐᓯᔾᔪᑎᑯᓗᒃ ᒥᑭᑦᑐᑯᓗᖕᒥᒃ
ᐅᓇ ᐊᖏᓂᖅᓴᒥᒃ ᐳᑐᓯᔾᔪᑎ, ᐊᖏᓂᖅᓴᒥᒃ ᐳᑐᓯᔾᔪᑎ
ᑖᒃᑯᐊ ᑕᐃᔅᓱᒪᓂᐊᓗᒃ ᐱᔾᔪᑎᖃᖅᑳᖅᑎᓐᓇᒋᑦ ᐱᓪᓗᐊᑖᓘᓚᐅᖅᑐᑦ
ᓴᓇᕐᕈᑎᕕᓃᑦ. ᓂᐅᖅᑑᑎᑦ, ᑭᖕᒥᐊᒐᖅ, ᐳᑐᓯᔾᔪᑎ. ᑕᒡᕙ ᑕᐃᒪᓐᓇ
ᑕᒪᓐᓇ ᓇᒡᔫᖕᒪᑦ [ᑎᐴᕋ ᕿᔾᔮᖅᓯᑎᒥᒃ ᑎᒍᓯᕗᖅ]. ᓇᓅᓪᓕ ᑐᓕᒫᖓᓂᒃ ᐱᖃᖅᑐᒥᒃ ᖃᐅᔨᓚᐅᖅᓯᒪᔪᖓ.
ᓇᓅᑉ ᑐᓕᒫᕈᓗᖓᓂᒃ ᑕᐃᒪᐃᑦᑐᖃᖃᑦᑕᓚᐅᖅᓯᒪᔪᑦ.
ᑕᐃᒪᓐᓇ ᑖᒃᑯᐊ ᖃᐅᔨᓯᒪᔭᑐᐊᒃᑲ. ᐊᓯᐊᒍᑦ ᖃᐅᔨᓯᒪᙱᖦᖢᖓ
ᑖᒃᑯᐊ ᑕᐃᔅᓱᒪᓂ ᐱᓪᓚᕆᐊᓘᓚᐅᖅᑐᑦ ᓴᓇᕐᕈᑎᓪᓚᕆᐊᓘᓚᐅᖅᑐᑦ
ᑭᓱᑐᐃᓐᓇᑦᑎᐊᒧᑦ ᐳᑐᓯᔾᔪᑎᐅᕙᓚᐅᖅᑐᐃᑦ ᑕᐃᒪᓐᓇ ᑭᓯᐊᓂ
ᓂᐅᖅᑑᑎᑦ, ᓂᐅᖅᑑᑎᑐᐊᖑᕙᓚᐅᖅᑐᐃᑦ ᑕᒪᒃᑯᐊ.
ᑭᑭᐊᑯᓘᖦᖤᖅᐳᖅ [ᑎᐴᕋ ᑕᑯᑎᑦᑐᕗᖅ ᓄᕗᐊᓂᒃ ᕿᔾᔮᖅᓯᑎᐅᑉ], ᑕᐃᔅᓱᒪᓂᓕ ᓴᐅᓈᕐᓂᒃ, ᓴᐅᓈᕐᓂᐅᔪᒃᓴᐅᔪᖅ
ᐅᓗᒃᓴᕐᓇᓂᒡᓗ ᐅᔭᕋᒍᓗᖕᓂᒃ ᑎᓯᔪᒍᓗᖕᓂᒃ ᐱᖃᖅᐸᒃᑐᒃᓴᐅᔪᕕᓃᑦ
ᑕᐃᒃᑯᐊ ᑕᐃᒪᓐᓇᑐᐊᖅ ᖃᐅᔨᓯᒪᔭᒃᑲ, ᐅᑯᐊ ᐊᑯᓂ ᐅᖃᐅᓯᕆᔪᓐᓇᙱᑕᒃᑲ
ᑕᒡᕙ ᓇᓗᓇᐃᑐᐃᓐᓇᖅᐸᒃᑲ ᑖᒃᑯᐊ ᑕᐃᒪᓐᓇᐃᑦᑑᓂᖏᓐᓂᒃ.
ᐃᑰᑕᕐᒧᑦ ᐹᑐᓖᖃᖅᑐᓪᓗ ᐅᐊᔭᒧᓪᓗ ᐊᑐᓕᕐᒪᑕ ᖃᓪᓗᓈᑦ ᐱᕈᓗᖏᓐᓂᒃ
ᐊᑐᓕᕐᒪᑕ
