Deborah Qaunaq: Asuilaak, uvangakuluk taimannaittumik ukiukkut ilaullunga
qarliqaqpalauqtunga. Una tuktuup ukuttia, una ukuttia
una tuktuup ukuttia, pukinga. Arnaqsiutiik qarlik.
Tamanna pukinga tuktuup tamaaniiłłuni, ukiuqsiutiik.
Saanniqsait nunaliksiutauvalauqtut. Taakkua turrungmatik aullaqtuqsiutauvalauqtut.
Taimannaittuungnik atuqpalauqtunga qulittaaqłungalu taimaittuungnik.
Taissumani qallunaaqtat tamajjainnaunngitillugit
atuqtammarialuulauqtut.
Maannakkuuliqturli sanaugaksat qallunaaqtat ijjuliriit qaliksallu
pitalialuuqattalirmat atuqtauvagunniiqtuq.
Manna qirniqtua tuktuup quliinganit qimirluanit.
Amiit, tuktuup amingit kisuksaqtaqauttiarmingmata annurajjiaksarillugit
aaqqiksuqsimattiarmingmata tuktu aminga.
aaqqiksuqsimattiarmingmata tuktu aminga.
Tagva taakkuak tuktuup uliusininganut ivaluqaqłutik miqsuqsimajuk.