Deborah Qaunaq: Taanna pinnguarutiviniurujuqquuqtuq ai? tivajuuq inna
Deborah Qaunaq / Natalino Piugattuk: tivajuuq. Natalino Piugattuk: tivajuuq ilisarnannginnami inungmik upaksijaraangami
qanuiliuruluujaqtaalugilluniuk ilisarnanngiluamut
kinaujariaksanganik nalunaqłuni. Tivajuumik atiqaqtitaulluni.
Roland Taqtu: Nakinngaaruluujaqłutik? Natalino Piugattuk: Aakka. Isiqtuq una iglumut
kiinappaksimalluni. Tagva isirami tagvunga qanuiliukataruluujaqtualuk
ilisariumanngimmagu taassuma, uuma quinagikataliqłuniuk
ilisariumanngimut. Aqittungasakatakłuniluungmat.
Deborah Qaunaq: Qaggimi. Natalino Piugattuk: Nanituinnaq. Deborah Qaunaq: Qaggimi, inugiajakłutik
pinnguarvialungmi, taissumanialuk. Inugiajakłutik
ugvaluunnit qilaujjaqattaqłutik inugiajakłutik.
Taimaittumik kiinappaksimajumik isiqtaugamik
upakaktaqłunigit tivajuuq-tivajuuq kisumittuq kangna aitturlugu
taimailiuqattaqtuq pinnguarutivinialuk.
Pijjutiqaqtuviniit tamakkununga upirngaksaangulirmat
nirjutinik ajunnginniqsaunialiramik qaumainnaqattaliqłutiglu
quviasuutiqaqpalirnirmata. Tamajja pijjutauqattaqtuviniit.
Tagva taanna, tivajuuq, tivajuuq [ingiqtuq] kisumiktuq kangna aittuqtauli
manirmiktuq kangna aittuqtauli. Piralaliqłutiglu quviasukłuti [iglaqpuq].